Ads

Routine Categories

Sponsors


Janay Kis Jurm Ki Paie Hai Saza, Yaad Nahi

Hai Dua Yaad Magar Harf-e-Dua Yaad Nahi,
Mere Naghmaat Ko Andaz-e-Nava Yaad Nahi,

Ham Ne Jin K Liay Raahon Men Bichaya Tha Lahoo,
Ham Se Kehtay Hain Wohi Ahd-e-Wafa Yaad Nahi,

Zindagi Jabr-e-Musalsal Ki Tarah Kaati Hai,
Janay Kis Jurm Ki Paie Hai Saza, Yaad Nahi,

Main Ne Palkon Se Dar-e-Yaar Pe Dastak Di Hai,
Main Woh Sa’ail Hun Jisay Koi Sada Yaad Nahi,

Kese Bhar Aain Sar-e-Sham Kisi Ki Aankhain,
Kese Tharraaie Charghon Ki Zaya Yaad Nahi,

Sirf Dhund-latay Sitaray Ki Chamak Daikhi Hai,
Kab Hua, Kon Hua, Mujh Se Juda Yaad Nahi,

Aao Ek Sajda Karain Aalam-e-Mad’hoshi Main,
Log Kehtay Hain K ” Saghar ” Ko KHUDA Yaad Nahi..!!

Category: Urdu Poetry SMS



(C) 2014 FreeSms4.com All Rights reserved. We follow GMT +5 hours time system.